Creacion de ambientes persoais de aprendizaxe

O principio do curso non oíra falar do PLE antes, pouco a pouco fun avanzando no temario e fun lendo acerca das distintas ferramentas que nos ofrece Internet para seleccionar e guardar páxinas web interesantes como Diigo ou Printerest.
Destas a que maís me gustou foi a publicación de taboleiros en Printerest, de feito algún xa o utilicei para algunha das miñas clases.
Hai comunidades que nos permiten intercambiar documentos, fotos e traballos entre colegas e alumnos, como Google Sites ou Wiki Spaces. Por outra banda non son moi amiga de usar as redes sociais, asi que non participei moi activamente en grupos de Facebook ou Twitter, dos que me gusta ler o que outros publican pero a mín realmente non me gusta moito publicar.
Tamén aprendin un concepto novo, o de curador de contidos, que como comentou algún dos meus compañeiros, é algo que levamos facendo toda a vida como profesores, buscando seleccionando e gardando todo o que nos pareces susceptible de ser usado nas clases.
Como en todos os cursos pouco a pouco tratarei de poñer as cousas que máis me gustaron en práctica e ir mellorando cada dia un pouco maís.

O curador de contidos

Buscar contidos en Internet resulta abrumador. Tos tanta información ao noso alcance que  moitas veces perdemos moito tempo lendo e buscando e o final esquecemos os noso obxectivo inicial.

Se escribimos, por exemplo,  en Google: Portfolio Europeo de las Lenguas, se nos abre unha gran variedade de páxinas que nos falan do Portfolio, a súa implantación, exemplos e moita máis información.

Desta información nós, neste caso os profesores, seleccionamos o que nos interesa para traballar e informarvos a vos, os nosos alumnos,e  tratamos de organizala dun xeito personalizado e difundíla de distintas formas.

Existe un termino que denomina esta labor “curador” (ainda que na miña opinión “currador” tampouco sería unha denominación inapropiada!! ) que é unha persoa que selecciona e filtra información de calidade, organizándoa, ( por exemplo en  Feedly, en Diigo, en Scoop-it ou en Printerest) contextualizándoa e comunicándoa  en liña ( a través de Google Drive, E-mail, Twitter ou Slideshare) ou dun blog como é neste caso. 

Vós tamén podedes agrupar e compartir toda a información e experiencias sobre os temas que vos interesen ou sexan relevantes para vos e os vosos compañeiros. 

Se queredes máis información podedes ler os seguintes artigos: 

http://blog.tiching.com/5-herramientas-para-la-curacion-de-contenidos-educativos/

http://www.educacontic.es/va/blog/tags/curacion-de-contenido

Ou ver esta presentación.

Curation for schools from lnash

Boa sorte e bon traballo!!