Como organizamos as actividades?

O Portfolio das Linguas é un documento que acompañará ao seu dono/ dona durante todo o seu aprendizaxe; un alumno que aprenda a traballar co Portfolio en Infantil, pode seguir traballando con el en primaria, secundaria e o longo da súa vida. É responsabilidade do usuario mantelo actualizado e renovalo en cada ciclo.

O noso centro é moi peculiar, xa que os alumnos non pasan tantos anos nel como nos centros ordinarios, xa comezan por a usar o E-Pel e non un portfolio físico.

Dende que comezamos a usar o Portfolio, seguimos as instrucións publicadas pola Xunta en http://www.edu.xunta.es/web/node/1650 , primeiro cubrindo unha solicitude de participación en setembro e logo remitindo cada trimestre unha selección do traballo que facemos. Ao final do curso cada centro deberá realizar unha memoria da implantación do Portfolio no centro.

No noso centro non podemos facer moitas actividades xa que o tempo de clase é moito menor que na ensinanza ordinaria. Pero tratamos de introducir unha pequena reflexión en moitas das actividades que facemos.

Por unha banda as actividades que facemos cos alumnos agrupámolas baixo as tres seccións que inclúe un Portfolio: Pasaporte, Biografía e Dossier. Así os alumnos poden aprender a reflexionar e traballar por sí mesmos e tratamos tamén de buscar actividades que lles poidan resultar útiles no seu futuro.

E por outra seleccionamos os descritores que queremos practicar adaptándoos ás necesidades dos nosos alumnos. 

Non son actividades innovadoras nin especialmente espectaculares, pero sirvennos para que os nosos alumnos se acostumen a traballar as linguas e a reflexionar sobre o que aprenden.

Para qué serve o PORTFOLIO?

—Reflexionar sobre o proceso de aprendizaxe e personalizar o  traballo.

—Mostrar o desenvolvemento da  aprendizaxe, mediante unha selección persoal de traballos que documenta a evolución do aprendiz.

—Fomentar a planificación e monotorización por parte do aprendiz sobre o seu aprendizaxe.

—Demostrar a consecución de obxectivos.

—Axudar a asumir responsabilidade por parte do alumno no seu  aprendizaxe e na súa avaliación, mediante auto avaliacións, rubricas, exames e títulos.

  

Por qué creemos que é positivo usar o Portfolio na EPA BERBÉS?

—Aprender algo significa que se produce un cambio na nosa conduta ou no noso coñecemento.

—Mentres que un neno aprende dun xeito intuitivo un adulto aprende dunha forma moito máis razoada e estudada.

—Un adulto é critico co seu aprendizaxe e busca na maioría dos casos a utilidade do que esta a aprender.

—Partindo das propias experiencias na lingua ou linguas maternas faise mais doada a aprendizaxe doutras linguas.

Cada persoa ten un xeito diferente de aprender unha lingua, a uns gustalle mais escoitar, a outros, ler ou falar. O porfolio axudanos a reflexión sobre qué nos gusta e que podemos facer para mellorar o que non nos gusta tanto e nos custa máis.
 —Como adultos somos os últimos responsables do noso aprendizaxe e este depende, en gran medida da nosa vontade. Os métodos, os profesores, a nosa capacidade inflúen pero non determinan o noso progreso, o esforzo e a constancia si.

—Se aprendemos a ser autónomos poderemos aproveitar moito máis as oportunidades.  

Implementación do Portfolio na Epa Berbés de Vigo

O Portfolio das Linguas leva implantado na EPA dende o curso 2010-2011, e está resultando ser unha experiencia moi enriquecedora tanto para os alumnado como para o profesorado participante.
Pero tamén hai xustificacións legais para o seu uso: 

—Segundo o que di a lei orgánica 2/2006 do 3 de maio, da educación no capitulo IX sobre a educación das persoas adultas.

—A educación das persoas adultas ten como finalidade levar a todos os maiores de dezaoito anos a posibilidade de adquirir, actualizar, completar ou ampliar os seus coñecementos e aptitudes para o seu desenvolvemento persoal e profesional.

—Entre os obxectivos de educación de adultos cómpre destacar os que potencian:

— Desenvolver as súas capacidades persoais nos ámbitos expresivos, comunicativos, de relación interpersonal e construción do coñecemento.

—Coñecer a realidade plurilingüe que os rodea e valorar a diversidade lingüística como riqueza cultural e potenciar no adulto estratexias que lle permitan a aprendizaxe cooperativa e autónoma nas linguas que están a aprender.

—Así mesmo,  promover exercicios que favorezan a confianza e que loiten contra o medo ao fracaso ou ridículo. Fomentar a reflexión sobre os distintos métodos de e aprendizaxe partindo de unha presentación variada de todo tipo de textos orais e escritos, non incidindo tanto nos erros cometidos senón na consecución de obxectivos comunicativos. 

Estas son algunhas das razóns polas que cremos que o Portfolio das Linguas é axeitado para a ensinanza e aprendizaxe de linguas e en concreto para os nosos alumnos adultos.